Flyktningkonsulent - Helse og Kvalifisering (2 stillingar)

Flyktningekonsulent, Prosjektstilling ved Osterøy integrerings- og læringssenter

Osterøy integrerings- og læringssenter (OIL) skal tilsette medarbeidarar i samband med auka busetting av flyktningar. Vi treng flyktningkonsulentar til to delstillingar: 70% retta inn mot kvalifiseringsarbeid, og  60% retta inn mot helsefagleg arbeid. Begge stillingane er prosjektstillingar til 31.07.2024. Det kan òg bli høve til auke opp mot 100% ved vakanse i andre stillingar.

OIL er organisert under kultur og mangfald, sektor for Oppvekst, undervisning og kultur.

Aktuelle arbeidsoppgåver for begge stillingane:

• Mottak og oppfølging av flyktningar som kjem til Osterøy kommune
• Hjelpe til ved etablering i eigen bustad samt bu-opplæring.
• Kartlegge, rettleie og motivere våre nye innbyggjarar
• Sakshandsaming etter integreringslova
• Gje generelt råd og rettleiing etter behov
• Leggje til rette for og støtte dei som skal ut i praksis
• Hjelpe flyktningar å søkje offentlege tenester
• Samarbeide med andre viktige aktørar som fremjar integrering og inkludering
• Arbeide med individuelle planar

 Spesifiserte arbeidsoppgåver for kvalifiseringsstillinga:

• Hjelpe flyktningar med å planlegge vidare løp mot skule, utdanning og arbeid
• Samarbeide med vaksenopplæringa ved undervisningsoppgåver
• Kartleggje og gje relevant råd og rettleiing i samband med arbeid og utdanning

Spesifiserte arbeidsoppgåver for den helserelaterte stillinga:

• Kartleggje og gje relevant råd og rettleiing i samband med helserelaterte utfordringar
• Samarbeid med dei kommunale helsetenestene. 

Kvalifikasjonar

• Minimum 3-årig høgare utdanning innan helse-, sosial-  eller pedagogiske fag. 
• Førarkort klasse B
• Erfaring med relevante fagsystem er ein fordel
• Gode kunnskapar i både nynorsk og bokmål, skriftleg og munnleg.
• God kjennskap til offentleg forvaltning og sakshandsaming
• Relevant erfaring frå arbeid med flyktningar er ein fordel 

Personlege eigenskapar

• Serviceinnstilt haldning og gode samarbeidsevner
• Du orienterer deg, finn ut av ting og likar å utvikle eigen kompetanse, kunnskap og ferdigheit
• Open for ulike kulturar og arbeider kultursensitivt
• Trygg og tydeleg i kommunikasjon
• Evner å arbeide målretta, strukturert, effektivt og nøyaktig
• Evne til å arbeide traumesensitivt, gjerne erfaringsbasert.
• Det er viktig at du trivst med teamarbeid og er vant til å ta ansvar for eiga læring og utvikling
• Du må kunne omstille deg og like å ha ein arbeidskvardag der du må yte hjelp til deltakarar ad hoc
•  

Vi tilbyr

• Spanande og meiningsfylte arbeidsoppgåver på eit viktig samfunnsområde
• Fleksibel arbeidskvardag
• Eit godt arbeidsmiljø og inkluderande kollegaer
• Løn etter gjeldande tariff/etter avtale
• God forsikring – og pensjonsordning

Tilsetjing skjer etter gjeldande lover, reglement og tariffavtaler. Det er 6 mnd prøvetid.
Ein må pårekne noko arbeid på ettermiddag/kveld i samband med mottak av flyktningar